Со вакцинирање на 100 000 – 150 000 луѓе од највисоките возрасни групи во Македонија, инциденцата на смртност и хоспитализации ќе се намали драматично (пр. 50%).
Значи 100 000 – 150 000 вакцини и нивната правилна дистрибуција се првиот чекор во борбата.
Кај нас борбата воопшто не е започната.
Голем дел од смртните случаи од изминативе 1-2-3 месеци можеа да бидат избегнати. Ситуацијава е многу депресивна и трауматична. Во еден свој пост на социјалните медиуми ова го објави познатиот Молекуларен биолог кај нас Горан Кунгуловски, сопственик на компанијата Био Инженеринг.   Вчера Д-рКунгуловски објави нов пост наменет за нај коментираната вакцина на Астра Зенека. Прашањето му беше следното:
Дали да се вакцинираме со вакцината на Astra Zeneca?

Неговиот одговор беше кус: ДА!!!

И даде детално објаснување зошто?

Вакцината на Astra Zeneca е базирана на аденовирусен вектор од шимпанзо којшто го носи генот што кодира за spike протеинот на SARS-CoV-2 и со тоа го намамува имуниот систем да формира одговор. Овој имун одговор понатаму треба да штити од тешки форми на КОВИД-19. Вакцината тоа го прави со ефикасност меѓу 70-80%.

Но дали покрај тоа што штити од КОВИД-19 води до њуз појави како зголемен ризик за формирање на тромбови?

Во извештајот на Европската агенција за лекови стои дека од вакцинирани 11 милиони луѓе, 469 имале тромбоемболичен настан. Тоа е стотици пати помалку отколку што се очекува на 11 милиони луѓе во општата популација. Значи застапеноста на тромбоза е помала кај вакцинирани луѓе со вакцината на Astra Zeneca отколку кај невакцинирани. ЗНАЧИ ВАКЦИНАТА НЕ ГО ЗГОЛЕМУВА РИЗИКОТ ЗА ТРОМБОЕМБОЛИЈА.

Но од 20 милиони вакцинирани кај 7 имало ретки тромбови на повеќе крвни садови (disseminated intravascular coagulation – DIC) и кај 18 имало ретки тромбови во крвните садови коишто носат крв надвор од мозокот (cerebral venous sinus thrombosis – CVST) и тоа најчесто кај помлади од 55 години и најчесто кај жени. Toa e за неколку пати повеќе отколку што е очекувано во општата популација. Дали појавата на овие ретки тромбови е директно предизвикана од вакцината или поради зголемен скрининг и детекција после вакцинирање останува да се утврди.

Значи во најцрно сценарио ризикот за DIC е 7 во 20 000 000, a ризикот за CVST e 18 oд 20 000 000. Ризикот за смрт од КОВИД е во просек e 100 000-200 000 oд 20 000 000.

Или со бројки веројатноста за смрт од КОВИД при зараза со SARS-CoV-2 е 5000-10000 поголема отколку веројатноста за редок тромб при вакцинирање против КОВИД-19.

ЕФИКАСНОСТА НА ВАКЦИНАТА ВО ПРЕВЕНЦИЈАТА НА ХОСПИТАЛИЗАЦИЈА И СМРТ СИЛНО ГО НАДМИНУВА ЕКСТРЕМНО НИСКИОТ РИЗИК ЗА РАЗВИВАЊЕ НА DIC или CVST.

Вакцинирајте се со првата вакцина што ќе стане достапна.

Превземено од фејзбук објава на Д-р.Горан Кунгуловски