Инволутивни депресии- вид на депресивни растројства
Инволутивните депресии претставуваат чести депресивни растројства кои се појавуваат со почетокот на интелектуалното опаѓање на луѓето, а тоа е периодот кога започнува климактериумот и понатаму (40-55години за жени, 50-65години за мажи). Овој период од животот е особено чувствителен, исто како што е и пубертетот, односно адолесценцијата.
Стареењето оди во корелација со опаѓањето на афектот и со развојот на депресивните растројства, особено доколку постои брз развој на атеросклероза поради дијабетес или хипертензија.
Инволутивната меланхолија, односно депресија, е постар назив за психијатриско растројство кое ги зафаќа средовечните и постарите луѓе и е придружено и со симптоми на параноја.
Симптоми:
-Губиток на интерес за активности кои дотогаш биле предмет на задоволство
-Губиток на енергија и чувство на замор
-Чувство на безвредност
-Чувство на тага
-Чувство на вина без причина
-Чувство на неодлучност или апатија
-Смален или зголемен апетит проследен со дебелеење или слабеење
-Несоница или рано будење (2-3 часа порано од вообичаеното)
-Страв и хипохондријаза (страв за здравјето)
-Смалена интелектуална и работна активност
-Заборавеност која наликува на деменција
-Суицидални мисли или тенденции
-Слика на агитирана ( вознемирана раздвиженост) аксионзност и депресија во почетокот на менопаузата или андропауза во вид на психоза.
За точната дијагноза треба да се утврди постоење или не на:
-Биполарно растројство
-Циклотимен карактер и конституција
-Перзистентно депресивно пореметување
-Нарушувања на расположението како конституција на лицето
-Предменструален дисфоричен синдром
-Депресивност предизвикана од коморбидност со алкохол, дрога, лекова или органицитет на мозокот
МЕДИКА Истанбул Тетово располага со најсовремени и модерни електрофизиолошки и неурорадиолошки апарати, со чијашто помош најбрзо и најпрофесионално се извршуваат овие испитувања.
Закажете термин на 044 344 414, или на е-маил: contact@medicaistanbul.mk
Пишува: М-р Сци. Д-р Никола Стерјоски- Специјалист невропсихијатар од МЕДИКА Истанбул Тетово