Донација за Децата со Посебни потреби за ОУ.Невеа Ѓеоргиева-Дуња, проект Диферент
Во рамките на одбележувањето на Светскиот ден на лицата со аутизам, денеска Сашо Стојановски креаторот на проектот Диферент ја предаде донацијата која ја вети за ОУ.Невена Георгиева Дуња. Донацијата е наменета за сензорната соба во училиштето, за децата со посебни потреби кои учат во ова училиште и се состои од Персонален компјутер со монитор заедно со детска тастатура со зголемени тастери и вертикално глувче, Скенер, принтер, ламинатор, Сензорна табла, дидактички материјали и асистивна технологја.
Донацијата беше предадена на директорката на училиштето м-р. Нателија Делева и на Сашо Јованоски (Советник за образование во кабинетот на градоначалникот на општина Кисела Вода). При разговорот со Јовановски беше истакната поддршката на општината за овој проект и беше пренесена желбата на градоначалникот Орце Ѓеорѓиевски да се вклучи во следниот проект Диферент 2 кој ќе се организира. Како едно потсетување проектот Диферент се промовраше на 25 Септември во Младинскиот Културен Центар, го осмисли Сашо Стојановски џез тапанар кој на уникатен и хуман начин, смисли интердисциплинарен проект кој опфати повеќе области од културата, музичката уметност, иновативност, инклузија, работилница за деца со посебни потреби и попречености како и наменска хуманитарна акција .
Проектот беше инспириран од неговиот син (Филип 13 год.), кој е дете со посебни потреби, со ретко генетско заболување X-Fragile и силно развиени чувства и љубов кон околината и семејството и ученик во ОУ.Невена Георгиева Дуња.
Целиот овој проект освен што има конструктивна уметничка цел има и идеолошка цел, барем малку да се подигне свеста во нашето општество и да им се посвети повеќе внимание на сите деца со посебни потреби и нивните семејства.
Воден од својата желба за да му помогне на своето а и на многу семејства ја доби доби инспирација да создададе проект кој ќе даде придонес и подигне јавната свест за овие лица. Затоа и се најавува следен уште погласен ДИФЕРЕНТ 2